लकी फौंडेशनच्यावतीने छ.शाहू महाराज जयंती साजरी

चंदगड/रूपेश मर्‍यापगोळ :

मजरे कारवे येथे नव्याने स्थापन झालेल्या लकी फाउंडेशन तर्फे छत्रपती शाहू महाराज यांची जयंती मोठ्या उत्साहात साजरी करण्यात आली. जयंतीच्या पूर्वसंध्येला मजरे कारवे येथील रानमाळावर व आजूबाजूच्या शेतात विविध प्रकारची झाडे लावून निसर्गाचा समतोल राखण्याचा प्रयत्न केला आहे. सुरुवातीला छत्रपती शाहू महाराज व छत्रपती शिवाजी महाराज त्यांच्या प्रतिमेचे पूजन अनुक्रमे पोलीस पाटील सचिन कांबळे, फाउंडेशनचे अध्यक्ष लखन बिर्जे यांच्या हस्ते करण्यात आले. राजेंद्र इंजल यांनी छत्रपती शाहू महाराज व आरक्षण या विषयी आपले मत मांडले. प्रास्ताविक भारतकुमार भोंगाळे यांनी तर आभार आनंद सुतार यांनी  मानले. यावेळी निखिल बोकडे, रवींद्र आपके, अमित बेळगावकर, पत्रकार रुपेश मर्‍यापगोळ यांच्यासह फौंडेशनचे संचालक उमेश पवार, प्रतिक पाटील, श्रीनिवास पाटील आदी उपस्थित होते.